## ﻭﻧﺴﻪ
ﺍﺧﻮﺍﻥ ##
.
.
ﻣﺤﻤﺪ ﻋﻜﻴﺮ ﻗﺎﻝ :

ﺍﻟﺤـﺎﻝ ﺍﻻﺻـﺎﺑﻨﻰ ﻭﺷــﻞ ﻋﻘــﻠﻰ ﻭﺻـﺎﺗﻮ
ﺷﻔﺘﻪ ﻣـﻠﻚ ﺯﻣﺎﻧﻮ ، ﻋـﻴﺎﻥ ﻭﺯﺭﺗﻪ ﺑﺴـﺎﻃﻮ
ﺣﺎﻟﻰ ﺍﻧﺎ ﻣﻨــﻮ ﻫﺎ ﺍﻟﻌـﺠﻚ ﺍﻟﻤﻨﻘﻰ ﺣﺼﺎﺗﻮ
ﺣﺎﻝ ﺍﻟﺴﺤﺮﺓ ﺳﺎﻋﺔ ﻣﻮﺳﻰ ﺧﺘﻰ ﻋﺼﺎﺗﻮ

ﺍﻟﺼﺎﺩﻕ ﺑﺨﻴﺖ ﻗﺎﻝ :

ﺍﻟﺤﺎﻝ ﺍﻻﺻــﺎﺑﻨﻰ ﻭﺷﻞ ﻋﻘﻠﻰ ﺍﻧﺎ ﺿﻤﻪ
ﺷﻔﺘﺔ ﺍﻟﺸﻔﺘﻮ ﻟﻠﻤﻬﻤــﻮﻡ ﺗﻜﺸــﻒ ﺍﻟﻐﻤﻪ
ﺣــﺎﻟﻰ ﺍﻧﺎ ﻣﻦ ﻓــﺮﺍﻕ ﺑﺪﺭ ﺍﻟﺘﻤــﺎﻡ ﺍﻟﺘﻤﻪ
ﺣﺎﻝ ﻓﺮﻋﻮﻥ ﻭﻛﺖ ﻓﻮﻗﻮ ﺍﻟﺒﺤﺮ ﺍﻧﻀﻤﻪ

ﻋﺒﺪﺍﻟﻠﻪ ﻭﺩ ﻓﻀﻴﻞ ﻗﺎﻝ :

ﺍﻟﺤﺎﻝ ﺍﻻﺻـﺎﺑﻨﻲ ﻭﺷــﻞ ﻋﻘـﻠﻲ ﻭﺩﺍﺳﻮ
ﺷﻔﺘﻪ ﺍﻟﺴﻤﺮﻱ ﻗﺎﻋﺪ ﻭﺍﻟﺠــﻤﻴﻊ ﺟﻼﺳﻮ
ﺣﺎﻟﻲ ﺍﻟﺒﻴﻪ ﻣﻦ ﻓــﺮﻕ ﺍﻟﺠﻤﻴﻞ ﺑﻲ ﻧﺎﺳﻮ
ﺣﺎﻝ ﻧﺠﺎﻉ ﻭﻛﺖ ﻣﺎ ﺟﺪﻩ ﻗﻄﻌﺖ ﺭﺍﺳﻮ

ﻣﺤﻤﺪ ﺍﻟﺤﺴﻦ ﺧﺼﻴﻢ ﻗﺎﻝ :

ﺍﻟﺤـﺎﻝ ﺍﻷﺻـﺎﺑﻨﻲ .. ﻫـﺪ ﺣﻴﻠـﻲ ﻭﺷﺎﻟﻮ
ﺷﻔﺖ ﺍﻟﻔﻲ ﺍﻟﺠﻤﺎﻝ ﻳﻮﺳﻒ ﺃﻛﻴﺪ ﺑﺒﻘﺎﻟﻮ
ﺣـﺎﻟﻲ ﺍﻟﺒـﻲ ﻣﻦ ﺍﻟﻐـﺎﻟﻲ ﺩﻳﻤــﺔ ﻭﺻـﺎﻟﻮ
ﺣـﺎﻝ ﻗﺎﺭﻭﻥ ﺑﻌـﺪ ﻣﺎ ﺍﻟﻠﻪ ﺧﺴﻒ ﺍﻣﻮﺍﻟﻮ

ﻧﺼﺮﺍﻟﺪﻳﻦ ﺍﻟﻤﻚ ﻗﺎﻝ :

ﺍﻟﺤـﺎﻝ ﺍﻷﺻـﺎﺑﻨﻲ ﻭﻣﻨـﻮ ﺷﻔﺘﻪ ﺍﻟﻤـﻮﺕ
ﺷﻔﺘﻪ ﺍﻟﺴﻤﺤﻪ ﺗﻨﺪﻩ ﻟﻲ ﺑﺎﺟﻤﻞ ﺻـﻮﺕ
ﺣـﺎﻟﻲ ﺍﻟﺸﻔﺘﻮ ﻣـﻦ ﺍﻟﻼﺑﺲ ﺍﻟﻼﺏ ﻛﻮﺕ
ﺣﺎﻝ ﻳﻮﻧﺲ ﺑﻌﺪ ﻣﺎﺧﺸﻰ ﺑﻄﻦ ﺍﻟﺤﻮﺕ

ﻋﺒﺪﺍﻟﺮﺣﻴﻢ ﻭﺩﺍﻟﻔﺎﻳﺪﻩ ﻗﺎﻝ :

ﺍﻟﺤﺎﻝ ﺍﻻﺻﺎﺑﻨﻲ ﻭﺷﻞ ﻋﻘﻠﻲ ﻭﺳﺎﺳﻮ
ﺷﻔﺘﻪ ﺍﻟﻤﻦ ﺻﻐﻴﺮ ﻣﺎﻻﻗﻮ ﺯﻳﻮ ﻣﻘﺎﺳﻮ
ﺣﺎﻟﻲ ﺍﻧﺎ ﻣﻨﻮ ﻫﺎﻟﺒﺪﺷﺮ ﻋﻄﺮ ﺍﻧﻔﺎﺳﻮ
ﺣﺎﻝ ﻭﺩﻧﻮﺡ ﺑﻌﺪ ﻣﺎﻟﻤﻮﻳﻪ ﻏﻄﺖ ﺭﺍﺳﻮ

ﻣﺎﻫﺮ ﻭﺩ ﺍﻟﺠﻮﻳﺮ ﻗﺎﻝ :

ﺍﻟﺤﺎﻝ ﺍﻻﺻﺎﺑﻨﻲ ﻭﻋﻴﻨـﻲ ﻏﻤـﺪﺓ ﺣﻤﺎﻫﺎ
ﺷﻔﺘﻪ ﺍﻟﺤﺎﻛﺖ ﺍﻟﻘﻤـﺮﻩ ﺍﻟﻤﻀﻴﺌﺔ ﺳﻤﺎﻫﺎ
ﺣﺎﻟـﻲ ﺍﻟﺒـﻴﺎ ﻣـﻦ ﺍﻟﺨـﺪﻭ ﻛـﻮﻭﺗﻪ ﻋﻤﺎﻫﺎ
ﺯﻱ ﺣﺎﻝ ﺭﻳﺎ ﻳﻮﻡ ﻓﻲ ﺍﻟﺒﺌﺮ ﺍﺑﻮﻫﺎ ﺭﻣﺎﻫﺎ

ﺍﻟﻤﻜﺎﺷﻔﻲ ﻓﻀﻞ ﺍﻟﻤﻮﻟﻲ ﻗﺎﻝ :

ﺍﻟﺤـﺎﻝ ﺍﻻﺻـﺎﺑﻨـﻲ ﻭﺷـﻞ ﻋﻘﻠـﻲ ﻭﻋﻜﺮﻭ
ﺷﻔﺘﻪ ﺍﻟﺸـﺎﻝ ﻗﻠﻴﺒـﻲ ﻭﺩﺳـﻪ ﻣﻨﻲ ﻭﻧﻜﺮﻭ
ﺣﺎﻟﻲ ﺍﻧﺎ ﻣﻨﻮ ﻫﺎ ﺍﻟﺤﺎﺯ ﺍﻟﺴﻤﺎﺡ ﻭﺍﺣﺘﻜﺮﻭ
ﺣـﺎﻝ ﻧﺎﺱ ﻗـﺮﻳﺔ ﺍﻟﺴﺒﺖ ﺍﻟﻴﻬـﻮﺩﻥ ﻣﻜﺮﻭ

ﺯﻛﺮﻳﺎ ﺍﻟﺠﻤﺎﻟﻲ ﻗﺎﻝ :

ﺍﻟﺤـﺎﻝ ﺍﻻﺻـﺎﺑﻨﻲ ﻭﻓـﻮﻗﻲ ﻋﺒﻪ ﻗﻤﺎﻣﻮ
ﺷﻔﺘﻪ ﺍﻟﻔـﻮﻗﻮ ﺩﺑﻮﺭﺗﻴﻦ ﻭﺣـﺎﻟﻲ ﻛﻼﻣﻮ
ﺣـﺎﻟﻲ ﺍﻟﺒﻴﻪ ﻣﻦ ﺍﻟﺪﻳﻤﻪ ﺷﺎﻧﻲ ﺧﺼﺎﻣﻮ
ﺣﺎﻝ ﺍﻳﻮﺏ ﺑﻌﺪ ﻣﺎ ﺍﻟﺪﻭﺩ ﻧﺨﺮ ﻋﻀﺎﻣﻮ

ﺣﺴﻦ ﺍﻟﻜﺒﻮﺷﺎﺑﻲ ﻗﺎﻝ :

ﺍﻟﺤـﺎﻝ ﺍﻻﺻـﺎﺑﻨـﻲ ﻭ ﺷـﻞ ﻗﻠﺒــﻲ ﻭ ﺟـﻠﺪﻭ
ﺷﻔﺘـﻪ ﺳﻬــﺮ ﺳﻘــﺪ ﺑﻌـﺪ ﺍﻟﺨــﻼﻳـﻖ ﺧﻠﺪﻭ
ﺣﺎﻟﻲ ﻣﻊ ﺍﻟﻈﺒـﻲ ﺍﻟـﺪﻳﻒ ﺍﻟﺒﻌــﻴﺪ ﻓﻲ ﺑﻠﺪﻭ
ﺣﺎﻝ ﺍﻟﻤﺎﺕ ﺃﺑﻮ ﻭﺟﺎﻫﻮ ﺍﻟﺼﺒﺎﺡ ﻣﺎﺕ ﻭﻟﺪﻭ

ﻳﻮﺳﻒ ﺍﻟﺒﺮﻭﻑ ﻗﺎﻝ :

ﺍﻟﺤﺎﻝ ﺍﻻﺻﺎﺑﻨﻲ ﻭﺧـﻼ ﻧﻔﺴﻲ ﺍﻧﺎ ﻗﺎﻓﻠﻪ
ﺷﻔﺘﻪ ﺍﻟﻤـﻦ ﺻﻐﻴﺮ ﻣﺎ ﺟﺎﻟﺴﻮﻫﻮ ﺍﺳﺎﻓﻠﻪ
ﺣـﺎﻟﻲ ﺍﻟﻤﻨـﻮ ﻓـﺎﺭﻗﺖ ﺍﻟﻔــﺮﺽ ﻭﺍﻟﻨـﺎﻓﻠﻪ
ﺣﺎﻝ ﺣﻮﻣﻴﺪ ﺑﻌﺪ ﻣﺎﻣﻨﻮ ﺧـﺮﻃﻮ ﺍﻟﻜﺎﻓﻠﻪ ..

ﻭﺍﺋﻞ ﺣﺴﻦ ﻗﺎﻝ :

ﺍﻟﺤﺎﻝ ﺍﻻﺻﺎﺑﻨﻲ ﻭﻣﻨﻲ ﻓﻚ ﺍﻟﺴﻨﻪ
ﺷﻔﺖ ﺍﻟﻮﺍﺭﺛﻮ ﻣﻦ ﺍﻣﺎﺗﻮ ﺯﻭﻕ ﻭﻣﺤﻨﻪ
ﺣﺎﻟﻲ ﺍﻟﺒﻴﻪ ﻣﻦ ﻓﺮﻕ ﺍﻟﺴﺒﻴﺒﻮ ﺩﺟﻨﻪ
ﺣﺎﻝ ﺍﺑﻠﻴﺲ ﻭﻛﺖ ﻃﺮﺩﻭﻫﻮ ﻣﻦ ﺍﻟﺠﻨﻪ

ﻭﺩ ﺩﺍﺭﺟﻌﻞ قال :

ﺍﻟﺤﺎﻝ ﺍﻻﺻﺎﺑﻨﻲ ﻭﺷﻞ ﻓﻜﺮﻱ ﻭﻧﺴـــــﻔﻮ
ﺷﻮﻓﺘﻪ ﺍﺏ ﺧﺪﺁ ﺑﻌﺎﻛـﺲ ﺩﻳﻤـﻪ ﻧﺠﻔـــــﻮ
ﺣﺎﻟﻲ ﻣﻨﻮ ﺯﻱ ﺣﺎﻝ ﺍﻟﻠﺪﻭﻫﻮ ﺳﺮﺁ ﻭﻛﺸﻔﻮ
ﺣﺎﻝ ﺍﻟﻐﺰﺍﻓﻲ ﺷﻌﺒﻮ ﺑﻲ ﺍﻟﺤﺠﺎﺭ ﻏﺰﻓــــﻮ
ﻭﺩﺍﻟﺮﻗﻴﻖ.

ﺍﻟﻨﺠﺎ ﻋﻠﻲ ﺍﺑﻮﻗﺮﻭﻥ قال :

ﺍﻟﺤﺎﻝ ﺍﻷﺻﺎﺑﻨﻲ ﻭﻓﻲ ﻗﻠﻴﺒﻲ ﻭﻟﻊ ﻧﺎﺭﻭ ......
ﺷﻔﺖ ﺍﻟﻜﺤﻴﻞ ﻭﺳﻂ ﺍﻟﺠﻤﻮﻉ ﺍﻟﺴﺎﺭﻭ ......
ﺣﺎﻟﻲ ﺍﻟﺸﻔﺘﻮ ﻣﻦ ﺻﺪﻭ ﻭﻏﻴﺎﺏ ﺍﺧﺒﺎﺭﻭ .....
ﺯﻱ ﺣﺎﻝ ﻋﺎﺩ ﻭﻛﺖ ﻫﺐ ﻋﻠﻴﻬﺎ ﻋﺼﺎﺭﻭ ......

ﺻﻼﺡ ﻋﺒﺪﺍﻟﻮﻫﺎﺏ ﺍﺣﻤﺪ قال :
ﺍﻟﺤﺎﻝ اﻻﺻﺎﺑﻨﻲ ﻭﺷﻞ ﻋﻘﻠﻲ ﻭﻓﺠﻌﻮ
ﺷﻔﺘﻪ ﺍﻟﺸﺎﻝ ﻗﻠﻴﺒﻲ ﻭﻟﻲ ﺯﺍﻳﺪﻭﺟﻌﻮ
ﺣﺎﻟﻲ ﺍﻧﺎ ﻣﻨﻮ ﻣﺴﺎﻫﺮﺑﻌﺪﺍﻟﺨﻠﻮﻕ ﻣﺎﻫﺠﻌﻮ
ﺣﺎﻝ ﺍﻟﻔﻄﻴﻢ ﺍﻟﻠﻴﻬﻮ ﻭﺍﻟﺪﻳﻬﻮ ﺟﺪﻋﻮ

... ﺻﻼﺡ ﻋﺒﺪﺍﻟﻮﻫﺎﺏ
ﻋﺼﺎﻓﻴﺮ الشرق